Ристова: Ако сме мирни и фокусирани, имаме шанси против Унирек

Тимот на Вардар остана единствениот женски претставник од Македонија, иако имавме дури четири.

Вардарки ќе се соочат со холандскиот тим Јуро Унирек во третото коло од Европскиот Куп, а тренерот Драгана Ристова вели дека нејзините ракометарки може да се носат со ривалот.

„Го анализиравме противникот и сметам дека се екипа со која може да се носиме и против која има простор за игра. Секако многу работи ќе зависат од нас, пред се од тоа како ќе влеземе во натпреварот. Ако сме мирни, фокусирани и играме без притисок може да бараме шанса. Ќе имаме поддршка и од трибините која се надевам дека ќе им даде позитивен импулс на девојките и ако дадеме се што можеме и знаеме тогаш искрено се надевам дека ќе одиграме добар натпревар. Имаме малку здравствени проблеми со средните бекови, но ќе се потрудиме тоа да го санираме и да понудиме квалитетен меч“, вели Ристова.

Натпреварот меѓу Вардар и Јуро Унирек се игра денеска во СЦ „Јане Сандански“ со почеток во 17:00 часот.