Преспа против Драчево во рамките од Првата лига со девет играчи се држеше само едно полувреме, во второто полувреме Драчево го реши натпреварот и дојде до висока победа од 24:37.
Натпреварот беше отворен со головите на Били Мишковски од Преспа и Александар Димовски oд Драчево. Првата серија Драчево ја направи при 2:2 кога поведе со 2:5. Домаќините возвратија и се вратија на минус еден, а до крајот на полувремето Драчево ја врати повисоката предност и на полувреме замина со 11:15.
Финишот во првото полувреме практично беше најава за она што следуваше во вториот дел кога Драчево целосно ја преземе контролата на натпреварот и предноста до крајот само растеше. На крајот гостите запишаа победа од 13 разлика.
Најефикасни во победничкиот состав беа Димитар Петковски, Димовски Александар и Дабевски Филип со по осум гола. Во редовите на Преспа Леровски Арбен и Божиновски Андреј беа стрелци на шест гола.
ПОВРЗАНИ ВЕСТИ
