Еден од противниците на репрезентацијата на Македонија во групната фаза од Европското првенство, репрезентацијата на Чешка беше високо поразена на гостувањето кај Швајцарија со 35-25.
Чешка во ЕХФ неделата настапува со комбиниран тим во кој недостасуваат неколку стандардни ракометари носители на играта. Чесите без Здрахала, Хорак, Земан и уште неколку отсутни играчи беа немоќни да стигнат до позитивен резултат на овој дуел.
Сепак во првото полувреме добро се држеа и не дозволуваа домаќинот резултатски да се одлепи. По првиот дел Швајцарија имаше минимална предност од 15:14. И во првите десетина минути до вториот дел продолжи израмнетата игра. До крајот на дуелот Швацарија имаше многу подобро издание и со голема серија од 10:2 успеа да стигне до висока победа.
Во екипата на Швајцарија најефикасни беа Марвин Лиер со седум гола и Ален Милошевиќ со шест гола. Во екипата на Чешка одличен беше Томаш Бабак со десет гола, додека Кашпарек постигна пет погодоци. Истите ривали ќе одиграат уште еден контролен натпревар.
ПОВРЗАНИ ВЕСТИ
