Репрезентациите кои се подготовуваат за Мундијалот во Египет веќе почнаа и со кнтролни средби, а селекцијата на Полска после 11 месеци од последниот натпревар ги одмери силите со Алжир и загуби со 23:26.
И двете селекции не беа комплетни. Недостигаа ракометарите кои се дел од првенствата каде уште се игра така што ова беше можност за селекторите на двете репрезентации да проверат и други ракометари на кои ќе може да сметаат на Светското првенство.
Во првото полувреме резултатот беше нерешен, 12:12, а потоа следуваше подобра игра од Алжирците кои на овој натпревар го немаа Калифа Гедбан.
За селекцијата на Полска, настапи ракометарот на Вардар, Патрик Валчак, а тој на овој дуел постигна само еден погодок. Инаку, тој е единствениот ракометар во Полска кој е допатуван од оние кои настапуваат надвор од земјата.
Составот на Полска после цели 11 месеци игра натпревар така што очигледно долгата пауза има оставено трага во формата на ракометарите.
ПОВРЗАНИ ВЕСТИ
