Ракометарите на Вардар денеска го имаат првиот официјален натпревар во 2020 година, а следува гостување во Германија каде што ќе биде одиграна средба против Кил. Ова е меч од 11. коло во кој домашните ќе бидат фаворити.
Вардар е во проблеми и пред овој натпревар и одново нема да биде комплетен. Сепак, очекувањата се дека со Стевче Алушовски на клупата ќе се види една поинаква игра и дека екипата ќе може да покаже далеку подобри партии од последните средби пред паузата во Лигата на шампионите.
Кај европскиот првак ќе ги нема Дисингер, Кугис и Шишкарев, додека од другите тројца голмани во ростерот ќе бидат Калифа Гедбан и Васил Гогов. Ниту домаќинот нема да биде комплетен, па ќе има само 14 играчи во составот. Шведскиот бек Лукас Нилсон поради повреда од ЕП нема да настапи денеска против Вардар.
ПОВРЗАНИ ВЕСТИ
