Неостварувањето на планот за титула на Ф4 турнирот во Келн, во тимот на ПСЖ дојде до првата промена, а има уште неколку кои се во најава.
Денеска дојде до првата смена, а Бруно Мартини повеќе не е директор на екипата. Иако најавите беа дека ова ќе се случи на крајот од сезоната, сепак, одлуката беше да не се чека и веднаш раководството му се заблагодарило на Мартини.
Целта која била поставена пред Мартини тој не успеал да ја исполни, па оттаму следуваше брз отказ. Јавно е познато дека ПСЖ располага со буџет околу 20 милиони евра по сезона, но никако не може до посакуваниот трофеј.
Новиот избор за директор е Тиери Омејер, па тој треба да донесе освежување во екипата и да се обиде да го надомести она што недостигаше досега. Од него се очекува да ги постави работите во клубот кон освојување на трофејот во Лигата на шампионите.
ПОВРЗАНИ ВЕСТИ
