Тимот на Охрид ќе мора да бара нов кружен напаѓач за следната сезона, откако остана без српскиот интернационалец Игор Чагаљ.
Поранешниот младински репрезентативец на Србија остави одличен впечаток и си обезбеди трансфер во швајцарскиот тим Базел.
Охриѓани на линијата од шест метри ги имаат уште Иван Тасески и младиот Кристијан Димитриески.
Чагаљ претходно беше дел од Пролетер Зрењанин, Војводина, словенечкиот Марибор, како и во бундеслигашот Гумерсбах, а пред да се пресели во Охрид играше за Металопластика Шабац.