Тимот на Тримо Требње, каде што настапува македонскиот интернационалец Тоше Ончев, продолжува во победнички ритам во Словенија.
Избраниците на Урош Зорман славеа на гости кај незгодниот Марибор со 26-31, откако и на полувремето имаа предност од шест гола, 12-18.
Ончев беше МВП на натпреварот откако успеа да постигне девет погодоци во мрежата на домашните, од кои 4 беа од седмерец без промашување.
Тримо сега има четири победи од четири меча, а шанса за продолжување на серијата ќе има следното коло кога игра дома со Шмартно.