Од билтенот на РФМ: Ракометар на Пролет на „ладење“ два натпревари

Дисциплинската комисија на Ракометната федерација на Македонија вчера донесе одлука за казна на десниот бек на Пролет, Доне Мајнов.

На дуелот меѓу Јуниор КВ и Пролет, кој се одигра на 18 ноември, Мајнов доби исклучување од две минути, но реагираше кон судиите Виктор Андонов и Стојанче Јовановски.

Тие му доделија црвен картон за реакција кон официјални лица, а сега дисциплинците на РФМ го казнија со два натпревари неиграње.

Мајнов веќе го одработи едниот од казна и не беше дел од мечот со Тиквеш, а ќе го пропушти и натпреварот со Скопје.

Пролет го обезбеди местото во плеј-офот, и во последните две кола од регуларниот дел ќе се бори за подобра стартна позиција.