Одлична партија на Цветковски, Егер славеше кај Вац

Тимот на Егер Естерхажи, каде што настапува македонскиот голман Јане Цветковски, забележа победа во последното коло од есенскиот дел на унгарскиот шампионат.

Егер имаше незгодно гостување кај составот на Вац и славеше со 23-29, a Цветковски имаше забележителна улога.

Тој успеа да запре 12 удари на противничките ракометари и да му помогне на неговиот тим да ја прекине серијата порази.

Егер сега е на 9. позиција со 11 бодови, што е само пет бода од третопласираниот Ѓенѓеш, кој има 16. Веспрем и ПИК Сегед се на првата и втората позиција.