Одлично прво полувреме за Младост, доволно за три бода во Радовиш

кипата на Младост од Богданци си замина со трите поени од гостувањето во Радовиш откако го совладаа со 23:22.

Двете полувремиња беа сосема различни и со тотално спротивен епилог. И двата состави практично добија по 30 минути и покажаа дека се подготвени за повеќе.

Составот на Младост одигра одлично во првото полувреме кога имаше неколку минути во кои не беше примен погодок. После 7:7 дојде до доминација на гостите кои успеаја со осум гола во серија да се изборат за 15:7, но на одмор имаа 15:8.

Овие плус седум разлика беа сосема доволни за да може во второто полувреме да се одигра мирно. Домашните притиснаа и се обидоа да се вратат во игра односно да го намалат големото заостанување.

Сепак, не одеше најдобро бидејќи составот на Младост и понатаму беше во сигурна предност. До финишот ја контролираше и имаше 23:19 на пет минути до крајот од средбата. Тогаш составот на Радовиш доби шанса за да стигне до приклучок, но немаше време за повеќе, па на крајот остана со минимален пораз од 22:23.

Ова беше втора победа за Младост во плеј-офот, додека Радовиш веќе има два порази и се одалечува од горниот дел на табелата.

СУПЕР МАШКА ЛИГА – ПЛЕЈ-АУТ

ТАБЕЛА