Овче Поле СУ во салата „Гоце Делчев“ во рамки од плеј-атутот во Женската лига на гостински терен славеше победа против ЖРК Кузман Вардар Илинден со 28:35.
После првите промашувања резултатот од седмерец го отвори ракометарката на Овче Поле СУ, Вучевска Елена. Домаќините го преземаа водството со два брзи гола преку Елеонора Додевска и Агеловска Јована.
Тоа водство од 2:1 беше и единственото за домаќините во целиот натпревар. Во продолжение Овче Поле прикажа подобра игра. На средината на полувремето имаа и највисоки шест гола предност до тој момент (7:13). Домаќините до крајот на првиот дел успеаа да го намалат водството на 14:18.
Не успеаа домашните ракометарки да се вратат во вториот дел и во ниту еден момент не го загрозија водството на гостите, Овче Поле СУ сигурно ја чуваше предноста која во финишот и се зголемуваше, за на крајот да слават со седум гола разлика.
Димова Диана беше најефикасна во редовите на победничкиот тим со 10 постигнати гола, додека кај домаќините се издвојуваше Милевска Нина со девет гола.
ПОВРЗАНИ ВЕСТИ
