Најдобрата ракометарка од Норвешка во моментов, Нора Мерк во изјава за норвешките медиуми коментирајќи за нејзината желба да победи на Олимписките игри и за важноста за нејзиното семејство во животот се потсети на загубеното полуфинале од Русија во 2016 година.
„Постојано се потсетувам дека нема олимписко злато во мојата колекција на награди и јас го разбирам ова сосема совршено. Навистина сакам да ја освојам Олимпијадата. Откако го загубив полуфиналето од Русија во Рио во 2016 година се разбудив среде ноќ и почнав да плачан. Ја разбудив и Офтедал која беше моја цимерка. И таа заплака, а следниот ден имавме натпревар за бронзениот медал. Ова беше тежок момент“, вели Нора Мерк.
Сепак, вели дека во животот постојат и полоши работи од загубено полуфинале на Олимписките игри.
„Кога минатата година на мајка ми и беше дијагностициран рак на дојката сфатив дека има и полоши работи во животот од губење на полуфиналето на Олимписките игри. Кога добив порака за болеста на мајка ми, решив да го раскинам договорот со Букурешт и да се вратам во Норвешка. Најлошото чувство што го доживеав е болката на луѓето кои ми се блиски. Единствено ѓто можам да направам е да бидам близу до неа. Мајка ми е мојот најголем пример и може да смета на мене“, вели Мерк.
Таа сезонава играше за тимот на Кристијансанд со кој победи во Лигата на шампионите, а летово ќе се обиде да дојде до златниот медал на Олимписките игри во Токио.