Ракометарките на Чаир се вратија на победнички патеки по високиот пораз од Наиса Ниш во ЕХФ Купот и славеа против Ѓорче Петров со убедливи 21-34 во натпревар од 6. коло во Женската лига.
Ѓорче Петров одржуваше рамнотежа во првите петнаесетина минути. Беше 3-1 за домаќинот, па 5-4, пред гостинките да направат серија од пет погодоци и да го преземат водството со 5-9. До паузата Чаир стигна до плус седум, 11-18.
Второто полувреме беше само формалност и Чаир само ја одржа и ја зголеми разликата од првиот дел за конечни плус 13, 21-34.
Најдобар стрелец во екипата на Чаир, стандардно беше левото крило Анастасија Николовска со 12 погодоци, додека пет погодоци постигна Марија Николовска. Во домашниот тим Ива Велкова даде десет голови.
ПОВРЗАНИ ВЕСТИ
