Мечот Вардар – Еурофарм Пелистер оод Суперлупот е закажан за утре (недела) во 20 часот во СЦ „Билјани Извори“ во Охрид. Вардар влегува во мечот како актуелен првак на Македонија и освојувач на Купот. Еурофарм Пелистер игра како финалист на Купот на Македонија.
Вардар е единствениот тим во Македонија што учествувал на сите досегашни четири мечеви од Супер купот. Од четири настапи „црвено-црните“ имаат три победи, а утре (недела) повторно ќе играат за трофејот, овојпат против Еурофарм Пелистер. Тоа ќе биде реприза на ланскиот меч.
„Црвено-црните“ уште денеска отпатуваа за Охрид каде вечерва ќе имаат тренинг, а утре ќе се игра натпреварот. За Охрид отпатуваа сите ракометари што тренерот Владо Недановски ги има на располагање сезонава. Ова ќе биде прв меѓусебен дуел на Вардар и Еурофарм Пелистер. Тоа се тимовите најсериозни кандидати за домашните трофеи сезонава.
„Имавме можност да ги гледаме на повеќе натпревари како играат, иако тоа не значи дека така ќе играат и на Супер купот. Знаме дека Еурофарм Пелистер е добар тим со повеќе играчи и повеќе ротации. Тоа и го прави нивниот тренер, а ние тој луксуз го немаме сезонава“, вели Владо Недановски, тренерот на Вардар.
Вардар со висок триумф ја почнаа сезоната во Супер лигата, победа на гости во Неготино над новиот суперлигаш Вардар Неготино. Претходно по изведување на пенали, Вардар не успеа да стигне на завршниот турнир на СЕХА лигата.
„Имаме ние свои квалитети. Тоа го покажавме со Нексе. Таа е една од подобрите екипи. Издржавме тркачки на целиот натпревар. Тоа го нема Еурофарм Пелистер. Физички сме подготвени да издржиме цел таков натпревар. Па и тактички сме подготвени. Знаеме што не очекува, вели Недановски.
Ова е почеток на сезоната и секој тим ја темпира формата за најважните натпревари, но и секој освоен трофеј значи и мотив плус.
„Секако дека формата не може да биде на највисоко ниво. Сите темпираат таа да биде на најважните дуели, а тие следуваат во понатамошниот дел од сезоната. Предност ќе биде што Еурофарм Пелистер имаа повеќе одиграни натпревари. Може да се видат добрите и лоши работи, смета Недановски.
Суперкуп на Македонија:
2017 година, Вардар – Еурофарм Пелистер 30-25 (СЦ Јане Сандански)
2018 година, Вардар – Металург 33-24 (Игралиште „Горан Попоски Бабец“)
2019 година, Вардар – Металург 26-24 (Спортска сала Куманово)
2021 година, Еурофарм Пелистер – Вардар 31-22 (СЦ „Борис Трајковски“)
ПОВРЗАНИ ВЕСТИ
