Екипата на Вардар за ривал во полуфиналето од Купот на Македонија го доби незгодниот тим на Алкалоид.
Овие две екипи последен пат се сретнаа на 1 април во Автокоманда, а подобриот на терен беше Алкалоид, кој против ,,црвено-црните” триумфираше со 22:21.
Тренерот на Вардар, Владо Недановски, имаше пофалби зборови за нивниот ривал во полуфиналето и изјави дека на дуелите од Купот ќе решаваат само нијанси во квалитет.
„Секој меч е нова битка, нова приказна, нов предизвик. На крајот од сезоната нема веќе лесни натпревари. Со Алкалоид сезонава се сретнавме четирипати, и тие покажуваат дека напредуваат од натпревар во натпревар. Секој ривал го репсектираме, и така е секогаш. Знаеме дека Купот е меч во кој нема поправен. Решаваат нијаси во квалитетот. Пред нас е период на многу важни средби, и целосно сме фокусирани на овој дел од сезоната. Единствено посакувам да бидеме комплетни и здрави, и да покажеме зошто сме освојувачи на двојната круна во Македонија“, изјави Недановски.
Во второто полуфинале ќе се сретнат екипите на Еурофарм Пелистер и Пролет.
Завршницата ќе се одржи во салата „Билјанини извори“ во Охрид од 11 до 13 мај, а комплетниот распоред на натпреварите ќе биде дополнително познат.
Куп на Македонија: Вардар налета на Алкалоид, Еурофарм Пелистер го доби Пролет
ПОВРЗАНИ ВЕСТИ
