Репрезентативецот на Македонија во редовите на Веспрем, Дејан Манасков продолжува со добрата форма која ја има од почетокот на сезоната. Тој и на последните натпревари ја полнеше противничката мрежа така што редовно е меѓу најефикасните.
На првенствениот натпревар против составот на Балатонфуреди екипата на Веспрем дојде до победа од 38:11 со што се виде разликата во квалитет.
Ова беше одлична средба за репрезетативецот на Македонија. Тој беше најефикасниот ракометар на теренот. Постигна седум погодоци со кои беше пред другите колеги и само потврди дека продолжува со добрите игри и добрата форма.
Оттаму Давид Дејвис е на слатки маки кога е во прашање поицијата лево крило бидејќи и Манасков и Штрлек се во добра форма.
ПОВРЗАНИ ВЕСТИ
