Екипата на Нант каде што настапува Кире Лазаров го освои првиот трофеј сезонава откако во финалето на Лига Купот на Франција беше подобра од екипата на Шамбери со 28:21.
Кире Лазаров беше стрелец на два погодока за неговиот тим, додека најефикасен за Нант во финалето беше Валеро Ривера со шест гола, а Давид Балагер постигна пет. Емил Нилсен беше најзаслужен за победата со 18 интервенции и 52% одбранети удари кон неговиот гол.
Нант добро го отвори дуелот, поведе со 0:2 и 1:4 после десетина минути игра. Емил Нилсен на голот на Нант беше одличен со важни одбрани на почетокот што му овозможи на својот тим предност. Шамбери успеа да се врати и да израмни во 15. минута на 5:5.
До крај на првиот дел Нант имаше контрола на играта и резултатот и после 30 минути игра Лазаров и соиграчите имаа три гола позитива, 13:10. И во вториот дел Нилсен продолжи во ист ритам и бранеше скоро сè. Одбраните, неговите колеги од тимот знаеја како да ги искористат и обезбедија предност од 25:20 на пет минути пред крај на мечот.
Во завршните минути искусните ракометари на Нант без поголеми проблеми го приведоа натпреварот до конечна победа и го освоија на првиот трофеј сезонава.
ПОВРЗАНИ ВЕСТИ
