Крстевски за 24Ракомет ТВ: Со добра одбрана и квалитетен напад можеме до победа (ВИДЕО)

Еден од играчите кои се дебитанти на ова Европско првенство, Горан Крстевски не доби шанса на првата средба, но со оглед на тежината на дуелот против Чешка и потребата од ротација може да се очекува да добие некоја минута на теренот.

Се работи за играч кој првпат е дел од сениорската селекција на некое Европско првенство и затоа е од голема важност секоја минута која може да ја добие на теренот.

„Чешка има квалитетен тим кој е добро познат. Нема некое изненадување бидејќи добро ги знаеме. Со добра одбрана и квалитетен напад со помалку технички грешки можеме до победа“, вели Крстевски.

Дуелот против Чешка може да донесе многу за Македонија. Победа на овој натпревар значи и сигурно место во втората фаза, па во вторник против Австрија ќе може да се има борба за првото место во групата. Денешниот дуел стартува од 16 часот.