Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло и во пролетниот дел од сезоната.
Продолжуваат разигрувањата за титула и опстанок во елитната конкуренција, па нема да недостигаат неизвесни и интересни натпревари.
Ние одново ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 9. коло од плеј-оф/аут.
Meѓу номинираните ракометари има двајца ракометари од Еурофарм Пелистер и по еден од Бутел Скопје, Вардар Неготино, Струга, Пролет и Прилеп.
За МВП на колото ќе можете да гласате до среда до 12 часот.
СУПЕР МАШКА ЛИГА – РЕЗУЛТАТИ ОД 9. КОЛО ПЛЕЈ-ОФ/АУТ
АЛКАЛОИД – ЕУРОФАРМ ПЕЛИСТЕР 27-28
ТИКВЕШ – ПРОЛЕТ 23-23
ЕУРОФАРМ ПЕЛИСТЕР 2 – БУТЕЛ СКОПЈЕ 24-25
ВАРДАР – ОХРИД 35-19
ПРИЛЕП – СКОПЈЕ 19-18
ВАРДАР НЕГОТИНО – РАДОВИШ 33-22
ЈУНИОР КВ – ГОЛДЕН АРТ 22-18
КУМАНОВО – СТРУГА 25-28
ТАБЕЛА
ИДЕАЛЕН ТИМ НА 9. КОЛО ОД ПЛЕЈ-ОФ/АУТ ВО СУПЕРЛИГА (АНКЕТА)
Голман: Даниел Ацев (Вардар Неготино) – Велешанецот беше меѓу најзаслужните за убедливиот триумф против радовишани.
Лево крило: Мирко Мајиќ (Бутел Скопје) – Црногорецот многупати досега ја покажал класата, а даде 12 гола или половина од головите на Бутел во Битола.
Лев бек: Себастијан Хенеберг (Еурофарм Пелистер) – Данскиот лев бек имаше одлично издание против Алкалоид во дербито.
Среден бек: Ласко Андоновски (Пролет) – Средниот бек на Пролет го водеше неговиот тим до изненадувачко реми во Кавадарци.
Десен бек: Усама Хосни (Еурофарм Пелистер) – Тунижанецот по подолго време одигра одлична партија и беше меѓу најзаслужните за триумфот во Автокоманда.
Десно крило: Реваз Чантурија (Прилеп) – Играчот-тренер на прилепчани беше најдобар на теренот во битката против некогашниот негов предводник.
Пивот: Петар Маркоски (Струга) – Пивотот даде 12 гола и беше најдобар поединец во тимот на Танески кој игра како препороден откако тој се врати на клупата.
ПОВРЗАНИ ВЕСТИ
