ИДЕАЛЕН ТИМ НА 2. КОЛО ОД СУПЕР МАШКАТА ЛИГА (АНКЕТА)

Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.

За разлика од лани, годинава има 16 екипи. Сезоната ќе биде долга, ќе има неизвесни битки за пласман во плеј-офот каде ќе играат осум екипи.

Дефинитивно на љубителите на ракометот нема да им недостигаат драматични и неизвесни натпревари во двете групи од суперлигашката конкуренција.

Ние ги одбравме најдобрите седум, а со помош на вашите гласови ќе се одбере ракометарот кој ќе биде МВП на колото.

Ќе можете да го дадете вашиот глас за еден од ракометарите во изборот најдоцна до недела на пладне, кога ќе биде познато кој ќе биде избран за најкорисен играч на колото.

Според Вас, кој ракометар го одбележа 2. коло од машката Суперлига 2022/2023?

Владимир Бојаниќ - пивот - Охрид
45.14%
Дејан Рикановиќ - голман - Струга
31.32%
Александар Василевски - лев бек - Пролет
7.79%
Јан Чувара - лево крило - Вардар
5.77%
Усама Хосни - десен бек - Еурофарм Пелистер
5.07%
Александар Стојков - десно крило - Алкалоид
2.97%
Страхиња Симиќ - среден бек - Тиквеш
1.92%

РЕЗУЛТАТИ ОД 2. КОЛО ОД СУПЕР МАШКАТА ЛИГА

група А

СТРУГА – ВАРДАР НЕГОТИНО 36-24
ВАРДАР – БУТЕЛ СКОПЈЕ 30-21

КУМАНОВО – АЛКАЛОИД 26-40
ОХРИД – ПРИЛЕП 33-26

ПозЕкипаНПРЛБ
1АЛКАЛОИД14131040
2ОХРИД14110333
3ТИКВЕШ14110333
4СТРУГА1470721
5ЕУРОФАРМ ПЕЛИСТЕР 21460818
6АЕРОДРОМ1441913
7КУМАНОВО1412115
8СКОПЈЕ1402122

група Б

ЕУРОФАРМ ПЕЛИСТЕР – ГОЛДЕН АРТ 32-25
ТИКВЕШ – РАДОВИШ 32-25
ПРОЛЕТ – ЕУРОФАРМ ПЕЛИСТЕР 2 28-22
СКОПЈЕ – ЈУНИОР КВ 28-26

ПозЕкипаНПРЛБ
1ВАРДАР 196114130139
2ЕУРОФАРМ ПЕЛИСТЕР14130139
3БУТЕЛ1480624
4ПРОЛЕТ1471622
5ГОЛДЕН АРТ1452717
6ПРИЛЕП14311010
7МУЛТИЕСЕНС1430119
8ВАРДАР НЕГОТИНО1420126

ИДЕАЛЕН ТИМ НА 2. КОЛО ОД СУПЕР МАШКАТА ЛИГА

ГОЛМАН: Дејан Рикановиќ (Струга) – Босанскиот чувар на мрежата имаше 17 интервенции и беше меѓу најзаслужните за убедливата победа на новиот суперлигаш Вардар Неготино.

ЛЕВО КРИЛО: Јан Чувара (Вардар) – Полскиот репрезентативец доби голема минутажа на дуелот со Бутел Скопје и заедно со Талески и Ќосевски беа најефикасните во „црвено-црниот“ тим.

ЛЕВ БЕК: Александар Василевски (Пролет) – Левиот бек постигна четири погодоци во убедливата победа над Еурофарм Пелистер 2, а одлично си ја заврши и работата во одбрана.

СРЕДЕН БЕК: Страхиња Симиќ (Тиквеш) – Организаторот на играта кој минатата сезона беше најдобар суперлигашки стрелец, продолжува со одличните игри. На Радовиш му даде осум гола.

ДЕСЕН БЕК: Усама Хосни (Еурофарм Пелистер) – Со девет погодоци беше најдобар стрелец во втората победа на вицепрвакот во новата сезона во суперлигашкото друштво.

ДЕСНО КРИЛО: Александар Стојков (Алкалоид) – Новиот суперлигаш немаше проблеми на гостувањето кај составот на Куманово, а десното крило беше најдобар стрелец и ги казнуваше од контранапад сите грешки на домашните.

ПИВОТ: Владимир Бојаниќ (Охрид) – Српскиот интернационалец покажува дека е одлично засилување за амбициозниот Охрид. Иако заработи три исклучувања, беше меѓу најзаслужните за победата над Прилеп.