Ракометарите на Загреб дадоа силен отпор против Нант, но на крајот францускиот тим триумфираше со резултат 30:28 во натпревар од Лигата на шaмпионитe.
Во почетните минути Загреб преку Матановиќ го презеде водството за 2:1, а потоа уште еден крилен играч, Давид Мандиќ, го одржа водството на својот тим за 4:3. Французите со серија од неколку голови успеаја да израмнат и да имаат контрола на резултатот. Нападот на Загреб функционираше од сите позиции, а до крајот на првиот дел продолжи менувањето на водството и на двете екипи.
И на двете страни по истекот на првото полувреме девет ракометари се запишаа во листата на стрелци. На полувреме резултатот беше 14:13 за гостинската екипа од Загреб.
Во вториот дел ракометарите на Загреб со добрата одбрана и головите на Буриќ и Мандиќ зголемија на три разлика, 16:13. Нант преку искусниот Ривера се одржуваше во живот и успеа да се врати во игра. Неизвесноста продолжи до крајот на натпреварот со головите на Немања Обрадовиќ и Давид Мандиќ за 25:25 во текот на 47. минута. Во игра гол за гол, ракометарите на Загреб со неколку технички грешки во последните три минути испуштија сензација.
Најефикасен ракометар во победничкиот тим беше Валеро Ривера со десет погодоци, додека Кире Лазаров даде три гола. Во составот на Загреб се истакнаа Давид Мандиќ и Матеј Хрстиќ со по пет погодоци.
ЛИГА НА ШАМПИОНИ – ГРУПА Б
ТАБЕЛА
ПОВРЗАНИ ВЕСТИ
