Ракометарите на Елверум одиграа натпревар од норвешкиот шампионат пред стартот на новата сезона во Лигата на шампионите.
Елверум славеше на гостувањето кај Кристијансанд со убедливи 21-37, а победата беше најавена уште по првиот дел кога гостите водеа со 10-16.
Најдобри стрелци кај Елверум беа Каспер Лиен и Тобијас Грондал со по шест погодоци, пет даде Ерик Јохансон, додека четри пати стрелаше Доминик Мате.
Македонскиот првак Вардар гостува в среда кај Елверум во двобој од Лигата на шампионите, кој стартува од 18:45 часот.