Екс-селекторот на Украина има нов ангажман, презема клуб од Русија

Во екипата на Таганрог или како што ги нарекуваат во Русија, „Донски козаци“ наскоро ќе дојде до нова промена на тренерската позиција, а информациите говорат дека на оваа позиција ќе се најде поранешниот олимписки шампион, Сергеј Бебешко.

Стратегот кој е од Украина и во својата кариера беше на клупата на Динамо Минск, Мотор Запорожје, Мешков Брест и репрезентацијата на Украина има можност да биде дел од најсилната лига на Русија.

Како што пишува „Брз Центар“, со доаѓањето на Бебешко тимот на Таганрог сигурно би станал поконкурентен, а ова би бил уште еден клуб кој би влегол во трка за титулата со Чеховски медведи и ЦСКА Москва.

Информациите говорат дека промената на кормилото би се случила на почетокот на следната година, а покрај доаѓањето на Бебешо се очекува да пристигнат и неколку засилувања за поголема конкурентност на сите позиции во екипата.