Европскиот првак не гостува секој ден, билетите ги снема за пола ден

Екипата на Пик Сегед во следниот период има неколку натпревари кои ќе бидат загревање за двобојот со Вардар од осминафиналето од Лигата на шампионите, а сосема извесное дека атмосферата во овој клуб е сè пожешка што покажува и фактот дека влезници за реваншот кој се игра на 29 март повеќе нема.

Вардар го пречекува Пик Сегед на 22 март од 17 часот, а една недела подоцна во истиот термин се игра реваншот. Раководството на Пик Сегед одлучи да ги пушти во продажба влезниците за оваа средба, а истите ги снема за само неколку часа.

Оттаму веќе е јасно дека салата ќе биде исполнета до последно место што значи дека Вардар го очекува пеколна атмосфера.

Инаку, Вардар и Пик Сегед и минатата година играа во елиминациите од Лигата на шампионите, но тогаш нивниот дуел беше од четврт-финалето.