Досега одложени 22 натпревари во ЛШ, некои добија нов термин – еден ќе се игра во ручек време

Од сите планирани десет кола и 80 натпревари во есенскиот дел од Лигата на шампионите, Европската ракометна федерација поради ковид причини мораше да одложи дури 22.

Меѓу нив 12 од групата А, каде што настапува македонскиот шампион Вардар и 10 од групата Б.

Од сите одложени натпревари, шест добија нови термини и ќе се одиграат до крајот на оваа календарска година, пред одржување на завршниот турнир во елитното натпреварување за преходната сезона на 28 и 29 декември.

Вардар има 5 одложени натпревари, а од нив само еден доби нов термин. Вардарци ќе му гостуваат на ПИК Сегед на 22 декември во натпревар од 20:45 часот. На „црвено-црните“ ќе им останат за играње две средби со францускиот ПСЖ, и по една со Порто и Елверум.

Интересно е што дуелот меѓу Мотор Запорожје и Нант нема да се игра во фиксните термини од 18:45 или 20:45 часот, туку во 13:30 часот.

Одложени натпревари во ЛШ:

Група А:
ПИК Сегед – ПСЖ
Вардар – Елверум 
ПСЖ – Вардар
ПИК Сегед – Фленсбург
Елверум – ПИК Сегед
Мешков Брест – Фленсбург
Порто – Вардар
ПСЖ – Келце
Вардар – ПСЖ
Елверум – Мешков Брест, 17 декември, 18:45 часот
Келце – Порто, 17 декември, 20:45 часот
ПИК Сегед – Вардар, 22 декември, 20:45 часот

Група Б:
Кил – Мотор Запорожје
Веспрем – Барселона
Нант – Загреб
Нант – Целје
Загреб – Нант
Барселона – Веспрем
Кил – Алборг
Мотор Запорожје – Загреб, 17 декември, 18:45 часот
Мотор Запорожје – Нант, 20 декември, 13:30 часот
Целје – Загреб, 23 декември, 18:45 часот