Дел од репрезентативците завршија со клупски обврски, дел ќе играат до Нова Година

Машката репрезентација на Македонија ја очекува настап на Европското првенство во Австрија, Шведска и Норвешка од 10 јануари, а селекторот Данило Брестовац ќе има можност низ пријателските натпревари со Кувајт, Алжир, Романија или Холандија, да одбере ракометари што ќе патуваат на континенталниот собир.

Проблем за него ќе биде различната форма на играчите, дел од репрезентативците веќе ги завршија обврските и ќе имаат пауза од две недели до првиот собир, додека некои од нив ќе бидат активни дури до 29 декември со клупски обврски.

На 20 декември ќе соберат 18 репрезентативци од поширокиот список плус Михаил Аларов од Пролет, кој во недостаток на пивотмени ќе игра на четири пријателски средби, но нема да биде во конкуренција за ЕП.

На тој собир од поширокиот список ќе ги нема Гоце Георгиевски, Дејан Манасков, Дејан Кукуловски, Стојанче Стоилов, Кире Лазаров, Борко Ристовски, Жарко Пешевски, Мартин Томовски, Филип Талески и Филип Кузмановски, но овие десетмина многу веројатно е дека нема сите да се најдат на финалниот список пред ЕП.

Активност на сите репрезентативци од поширокиот список:

ВЕЛКО МАРКОСКИ – Металург, 6 декември
МАРИО ТАНКОСКИ – Металург, 6 декември
ТОМИСЛАВ ЈАГУРИНОВСКИ – Металург, 6 декември
МАРТИН СЕРАФИМОВ – Металург, 6 декември
МАРТИН ПОПОВСКИ – Пролет, 7 декември
МАРТИН МАНАСКОВ – Охрид, 7 декември
ГОЦЕ ГЕОРГИЕВСКИ – ЧСМ Букурешт, 12 декември
ДЕЈАН МАНАСКОВ – Веспрем, 14 декември
МАРКО МИШЕВСКИ – Гренобл, 14 декември
ДИМИТАР ДИМИТРИОСКИ – Вардар, 15 декември
ДЕЈАН КУКУЛОВСКИ – Вардар, 15 декември
МАРКО КИЗИЌ – Вардар, 15 декември
СТОЈАНЧЕ СТОИЛОВ – Вардар, 15 декември
БОЈАН МАЏОВСКИ – Еурофарм Работник, 15 декември
НИКОЛА МИТРЕВСКИ – Еурофарм Работник, 15 декември
НИКОЛА МАРКОСКИ – Еурофарм Работник, 15 декември
МАРТИН ВЕЛКОВСКИ – Еурофарм Работник, 15 декември
ГОРАН КРСТЕВСКИ – Линц, 15 декември
ДАРКО ГЕОРГИЕВСКИ – Анжер, 15 декември
НЕНАД КОСТЕСКИ – Загреб, 16 декември
КИРИЛ ЛАЗАРОВ – Нант, 19 декември
ДАРКО ДИМИТРИЕВСКИ – Синфин, 21 декември
КОСТАДИН ПЕТРОВ – Гвадалахара, 21 декември
БОРКО РИСТОВСКИ – Бенфика, 21 декември
ЖАРКО ПЕШЕВСКИ – Штутгарт, 29 декември
МАРТИН ТОМОВСКИ – Лудвигсхафен, 29 декември
ФИЛИП ТАЛЕСКИ – Балинген, 29 декември
ФИЛИП КУЗМАНОВСКИ – Магдебург, 29 декември