Победата во Скопје им донесе нови два бода на ракометарите на Монпелје со што сега се израмнија со Вардар според бројот на поени и имаат иста ситуација на табелаа.
Ракометарите покажаа одлична партија, а на пресот беше помошниот тренер Давид Дегој, кој имаше пофалби.
„Среќни сме што победивме во тежок натпревар и во тешка атмосфера. Овде секогаш е тешко да се игра особено да се победи поради атмосферата која ја прават навивачите. Во сите 60 минути мора да се игра умно и фокусирано и на највиско ниво. Им честитам на моите момци. Го добивме Вардар после две победи дома против Алборг и Мешков. Дојдовме со доза на стрес за овој дуел и се договоривме да ја почитуваме такитката и да играме добро. Особено после киксот во домашното првенство не смеевме да си дозоволиме уште еден. Им честитам на ракометарите од Франција во Вардар и му посакувам на Вардар среќа и во домашното првенство и во Лигата на шампионите. Очекувам да биде уште потешко на натпреварот кога против Вардар ќе играме на домашен терен“, изјави после натпреварот Дегој.
На ова се надоврза и младиот пивот, Артур Лене.
„Горд сум од победата против Вардар. Атмосферата беше фантастична и беше тешко да се игра во оваа атмосфера. Одбраната беше клучна на почетокот на натпреварот. Имавме мали проблеми на крајот на првото и почетокот на второто полувреме. Со дорба одбрана го однесовме натпреварот во сигурна завршница така што немавме проблеми да дојдеме до победа“, коментираше Лене.
Натпреварот во Франција меѓу Монпелје и Вардар ќе биде следната година. Предвиден е за 16 февруари.
ПОВРЗАНИ ВЕСТИ
