Вардар со подобар биланс во СЕХА против Веспрем, Дибиров секогаш меѓу најефикасните

Екипите на Вардар и Веспрем денеска ќе го имаат дуелот број 9 во СЕХА лигата. Двата состави досега имаат осум пресметки во регионалното натпреварување од кои две беа во финалињата.

Кога се во прашање финалињата и Вардар и Веспрем имаат по една победа, додека вкупно на досегашните осум дуели Вардар има три победи, а Веспрем две. Дури трипати овие екипи ремизирираа, но на натпреварите од групната фаза.

Историјата не е секогаш мерило за она што следува, но јасно е дека натпреварите на Вардар и Веспрем носеле интересни пресметки во кои е евидентно дека Тимур Дибиров секогаш успевал да одигра одлично односно секогаш бил во одлично издание и редовно меѓу најефикасните вардарци.

Играчот кој знаеше да се изнадава голови против Вардар, Момир Илиќ е веќе пензиониран, па од некој друг ќе доаѓа голема опасност вечерва кон голот на Ристовски и Кантегрел.

ДОСЕГАШНИ МЕЃУСЕБНИ ДУЕЛИ ВО СЕХА

13 СЕПТЕМВРИ 2014

ВЕСПРЕМ – ВАРДАР      31:23

Илиќ 12, Сулиќ 4, Руесга 3 – Дибиров 5, Брумен 4, Тоскиќ 4

7 МАРТ  2015

ВАРДАР – ВЕСПРЕМ      28:21

Дибиров 8, Душебаев 5, Карачиќ 4 – Маргуч 4, Илиќ 3, Наѓ 3

10 НОЕМВРИ 2015

ВЕСПРЕМ – ВАРДАР      24:24

Наѓ 8, Сулиќ 4, Лекаи 4 – Дибиров 7, Душебаев 4, Карачиќ 3

8 МАРТ 2016

ВАРДАР – ВЕСПРЕМ      30:30

Дибиров 6, Циндиќ 6, Шишкарев 4 – Илиќ 10, Палмарсон 4, Наѓ 4

3 АПРИЛ 2016 (ФИНАЛЕ НА Ф4)

ВАРДАР – ВЕСПРЕМ      26:28

Циндриќ 5, Дибиров 4, Душебаев 4 – Илиќ 7, Наѓ 4, Слишковиќ 4

10 СЕПТЕМВРИ 2016

ВАРДАР – ВЕСПРЕМ      29:22

Карачиќ 8, Дибиров 5, Циндриќ 4 – Илиќ 8, Нилсон 3, Маргуч 3

6 ДЕКЕМВРИ 2016

ВЕСПРЕМ – ВАРДАР      28:28

Илиќ 6, Иванлик 5, Лекаи 4 – Циндриќ 6, Дибиров 5, Борозан 5

9 АПРИЛ 2017 (ФИНАЛЕ НА Ф4)

ВАРДАР – ВЕСПРЕМ      26:21

Дибиров 5, Кањелас 5, Марсениќ 4 – Илиќ 5, Лекаи 4, Угалде 3