Европскиот шампион Вардар во полн состав би требало да го пречека полскиот првак Келце следната недела.
Тренерот Стевче Алушовски од утре ќе може да смета на целиот играчки кадар, а на тренинзи се враќаат и ракометарите што беа позитивни на коронавирус пред две недели.
Од настапите за националните селекции се вратија Чупиќ, Стоилов, Мишевски, Георгиевски, Кизиќ и Талески.
Од претходно во Скопје останаа Вујин и Валчак, поради откажаните собири на Србија и Полска, додека Дисингер веднаш се врати од Германија откако не доби дозвола да се приклучи на националниот тим.
Натпреварот со Келце се игра на 19 ноември, а во ростерот на полскиот првак можеби ќе недостига Владислав Кулеш, кој се уште е во изолација, додека Гебала и Душебаев веќе се приклучија на тренинзите.
ПОВРЗАНИ ВЕСТИ
