Ракометарите на Фленсбург имаа успешно гостување во Букурешт и го совладаа Динамо со 20:28 иако на овој натпревар беа само 12 во ростерот и без тренерот Мајк Макула и неговиот помошник поради коронавирус.
Првото полувреме помина во израмнета игра, двата тима имаа добри периоди и водство но резултот беше изедначен. После неколку менувања на водството на полувреме беше 13:13.
Во вториот дел доминираше една екипа на теренот, од 15:15 следуваше серија од шест гола на гостите за висока предност. Голема помош гостите имаа и од голманот Бенјамин Буриќ кој забележа 17 интервенции. До крај Флензбург рутински стигна до убедлива победа.
Најефикасен во победничкиот тим беше Ханс Менсинг со девет погодоци, Менсах Ларсен и Еинарсон погодија по пет пати. Во екипата на Динамо Букурешт најефикасни со по пет гола беа Раул Кампос и Валентин Јонеа.
ПОВРЗАНИ ВЕСТИ
