Барса им одржа лекција на „зебрите“ среде Кил

Дербито во 7. коло од Лигата на шампионите се играше во Кил каде што германскиот шампион ја дочека Барселона. Гостите остварија голема победа на жешкиот терен во Германија со 26:32.

Натпреварот беше израмнет и рамноправен во првите 20 минути, Барселона имаше само минимално водство но Кил одржуваше приклучок. Од 10:10 следуваше серија од три гола на каталонскиот тим за прво повисоко водство во 25. минута.

До крајот на првиот дел Кил успеа да ја намали негативата, но сепак Барселона замина на одмор со предност од 15:16. Првите десет минути од вториот дел беа решавачки за победникот на натпреварот. Шпанскиот првак повторно ја зголеми предноста на четири гола.

Оваа разлика се одржуваше во наредните пет минути, во 45. минути Фраде погоди за пет гола предност за Барселона и најави триумф на гостинскиот тим. Кил немаше против игра и не успеваше да ја врати незивесноста на натпреварот. До крајот на мечот гостите имаа и највисоко водство од седум гола, 24:31 и рутински го приведоа до крај натпреварот за голем триумф.

Најефикасни во домашниот тим беа Дувњак и Екберг со по пет гола, а Зарабец постигна четири. Никлас Ландин имаше 12 одбрани. Во тимот на Барселона најефикасен Дика Мем со шест гола, додека по четири постигнаа Ентрериос и Јанц. Голем придонес во победата на Барселона имаше голманот Мелер со 18 интервенции.

ЛИГА НА ШАМПИОНИ

РЕЗУЛТАТИ ОД 7. КОЛО

ГРУПА А
ФЛЕНЗБУРГ – МЕШКОВ БРЕСТ  29:29 (13:11)

ПОРТО – ПСЖ   31:34 (16:12)

ВАРДАР – КЕЛЦЕ 29:33 (13:16)

ПИК СЕГЕД – ЕЛВЕРУМ одл.

ПозЕкипаНПРЛБ.
1КИЛ14102222
2АЛБОРГ1483319
3ПСЖ ХЕНДБОЛ1481517
4КЕЛЦЕ1464416
5ППД ЗАГРЕБ1462614
6ПИК СЕГЕД1461713
7КОЛСТАД1451811
8ЕУРОФАРМ ПЕЛИСТЕР1400140

ГРУПА Б
АЛБОРГ – ВЕСПРЕМ 27:33 (18:16)

ППД ЗАГРЕБ – МОТОР 23:24 (13:13)

КИЛ – БАРСЕЛОНА 26:32 (15:16)

НАНТ – ЦЕЛЈЕ одл.

ПозЕкипаНПРЛБ.
1МАГДЕБУРГ14120224
2БАРСА14110322
3ВЕСПРЕМ14100420
4МОНПЕЛЈЕ1480616
5ВИСЛА ПЛОЦК1451811
6ГОГ1451811
7ПОРТО1440108
8ЦЕЛЈЕ1400140