Ако се случи ново чудо, Вардар може да влезе во историјата на ЛШ!

По 176 одиграни натпревари, заврши групната фаза од Лигата на шампионите. Во март ќе се играат осминафиналните двобои, а меѓу најдобрите 16 има седум поранешни европски шампиони и два дебитанти, Порто и Динамо Букурешт.

Беа постигнати повеќе од 10.000 погодоци, а од нив најголем процент се постигнати од Барселона. Шпанскиот гигант заедно со ПИК Сегед ја имаат и најдобрата одбрана по групната фаза.

Ракометарите на Вардар, иако со големи проблеми, вакви или онакви, се пласираа во ТОП 16 и имаат шанса да стигнат до нов настап на завршниот турнир. Пречките се унгарски – ПИК Сегед и Веспрем.

Ако лани беше чудо пласманот во Келн, а потоа и освојувањето на титулата, сега на вардарци ќе им биде потребно уште поголемо чудо да се најдат во Келн и да станат првиот тим во историјата што ја одбранил титулата откако се игра Ф4.

Но шансите никој не смее да им ги одземе.

Европската ракометна федерација направи анализа на групната фаза и има неколку интересни факти:

0 – ниту еден клуб ја нема одбрането титулата во ЛШ, откако е воведен форматот со завршниот турнир. Вардар се уште ја има таа шанса.

1 – еден играч го има одбрането трофејот во ЛШ откако е воведен форматот со завршен турнир. Тоа е вардарецот Иван Чупиќ, кој откако со Келце освои титула во 2016, а следната година и со Вардар.

7 – седум поранешни европски шампиони, се уште се дел од трката за трофејот во 2020 година – Барса, Кил, Вардар, Монпелје, Целје, Фленсбург и Келце.

7- седум од осумте четвртфиналисти лани, сега се дел од осминафиналето – Вардар, Веспрем, Барселона, ПСЖ, Келце, Фленсбург и ПИК Сегед.

17 – 17 од 176 натпревари во групната фаза меѓу кои и баражите за осминафинале завршија нерешено, а меѓу нив и дуелот на Вардар и Келце.

Сите останати интересни факти од анализата на групната фаза во Лигата на шампионите оваа сезона може да ги прочитате на следниот ЛИНК.