Вардар сериозно го сфати Еурофарм Пелистер 2 и со триумф дојдоа на два чекори до титулата

Не дозволувајќи му на ривалот од Битола ниту да се понадева на можно изненандување, Вардар го победи вториот тим на Еурофарм Пелистер со 34-23 (17-9). Црвено-црните се на два чекори до одбрана на титулата, 15-та во клупската историја. Им требаат уште две победи до крај на сезоната за конечен триумф.

Гостите можеа да им помогнат на нивните колеги од првиот тим да дојдат до титулата, но за тоа им требаше триумф во Скопје, што досега не се случило. Вардар уште од самиот почеток поведе со 7-2 во 8 минута што потоа се покажа како клучно. Скопјани не се опуштија, и од самиот почеток играа со речиси насилниот состав, со истиот со кој триумфираа и во Битола. Кај гостите недостасуваа Цветан Кузмановски и Емилијан Ѓорговски, двајцата поради повреда.

Двата тим ќе се сретнат повторно во петок во полуфиналето на Купот на Македонија во Кавадарци, но овој дуел покажа дека вардарци ја темпираат формата за најважните натпревари што се пред нив. Осумте гола предност на полувреме беа највисоката предност во тој дел од натпреварот.

Само што почна второто полувреме Вардар повторно засили и го зголеми водството на „плус 9“. Во 41 минута Тимур Дибиров првпат ја мина границата од „плус 10“ за водство на Вардар од 24-14, а откако Томовски фати еден зицер на Васко Димитровски во полуконтра Стоилов зголеми на 25-14.

Во 45 минута предност отиде на „плус 12“ најавувајќи дека Вардар рутински треба само да го заврши мечот бидејќи бодовите остануваат во Скопје. Остануваат уште две кола до крај на првенството, а Вардар гостува кај Бутел и во последното коло е домаќин на Тиквеш.

Еурофарм Пелистер 2 се уште се бори за место во европските купови и до последното коло ќе се бори за четвртата позиција што води во Лига Европа.

ВАРДАР 1961ЕУРОФАРМ ПЕЛИСТЕР 2 11 мај 2022 34 - 23 Крај

Детали

Датум	Време	Лига	Сезона	Match Day	Крај
11 мај 2022	00:30	ПЛЕЈ ОФ СУПЕРЛИГА	2021/2022	08.05.2022	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	17	34	Победа
ЕУРОФАРМ ПЕЛИСТЕР 2	9	23	Пораз

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	0	3
6	Оливие Њокас	лев бек	0	1
7	Патрик Валчак	пивот	1	3
8	Јоел Куни Моралес	десен бек	0	0
9	Гоце Георгиевски	десно крило	0	2
11	Мартин Карапалевски	централен бек	0	3
12	Мартин Томовски	голман	0	1
13	Дијало Бакари	лев бек	1	0
21	Давид Савревски	десен бек	2	1
28	Филип Талески	лев бек	0	6
31	Тимур Дибиров	лево крило	0	6
44	Стефан Додиќ	централен бек	1	3
45	Дарко Ѓукиќ	десно крило	1	4
92	Костадин Петров	пивот	0	1
97	Марко Мишевски	лев бек	0	0
	Вкупно		6	34

ЕУРОФАРМ ПЕЛИСТЕР 2

#	Играч	Позиција	Исклучување	Голови
1	Бобан Ристевски	голман	0	0
7	Андре Буторац	десен бек	0	2
8	Павле Атанасијевиќ	централен бек	1	1
9	Васко Димитровски	пивот	0	3
10	Христијан Митревски	десен бек	0	0
13	Павле Петровиќ	десен бек	0	1
16	Благојче Трајкоски	голман	0	0
21	Димитар Димитриоски	централен бек	1	7
22	Иван Димитровски	лево крило	1	0
23	Стефан Талевски	централен бек	0	4
24	Никола Стоилевски	десно крило	0	0
33	Петар Атанасијевиќ	лево крило	0	0
44	Ненад Белистојановски	-	1	1
66	Милан Ѓукиќ	десно крило	0	0
88	Димитриј Блажевски	десен бек	0	1
99	Филип Арсеновски	пивот	0	3
	Вкупно		4	23

Officials

Судии:	Делегат:
АНДОНОВ ВИКТОР ЈОВАНОВСКИ СТОЈАНЧО	ОГЊАНОВСКИ МАРЈАН