Иако кон крајот на месец февруари хрватскиот вицепрвак Нексе Нашице го ангажираше искусниот Веселин Вујовиќ за нов тренер на тимот, сепак, денеска заврши соработката меѓу двете страни.
Од клубот од Нашице преку клупското соопштение како причина за прекинувањето на соработката со популарниот Вујо го наведоа киксот со Пореч во рамки од 8. коло во плеј-оф фазата од хрватскиот шампионат.
Со тој кикс, односно ремито против просечниот Пореч, тимот на Нексе се доведе во ситуација да стравува за 2. позиција на табелата.
Нексе под водство на Вујовиќ доживеа елиминација во осминафиналето во Лигата на Европа, потоа служено загуби од Загреб, откако хрватското дерби во Нашице беше проследено со голем инцидент.
Нексе до остатокот од тековната сезона ќе биде предводен од досегашниот помошен тренер Крешо Иванковиќ, а негов асистент ќе му биде Албин Етер.
ПОВРЗАНИ ВЕСТИ
