Македонскиот репрезентативен голман Никола Митревски имаше одлична партија на голот во новиот триумф на Порто.
Митревски блескаше на голот против Гаиа во победата на португалскиот шампион со 32-20 во натпревар од 14 коло.
Тој беше на голот во текот на целиот натпревар и успеа да одбрани 50% од ударите на противникот (17/34).
Порто сега има 39 бода, исто колку и тимот на Спортинг Лисабон кој е лидер на табелата, но со меч помалку.
Веќе в четврток Порто во Лигата на шампионите го пречекува европскиот шампион Магдебург, а следната сабота гостува кај Виторија во португалското првенство.