Годинешниот освојувач на Купот на Косово, тимот на Кастриоти, во новата сезона 2024/25 ќе биде предводен од нов тренер.
Имено, довчерашниот тренер на тимот Владимир Глигоров си замина од клубот, па така раководството како негова замена го ангажираше Верим Зерка.
Глигоров клупата на Кастриоти ја презеде во текот на месец март оваа година и го водеше тимот до 6. трофеј во Куп натпреварувањето.
Некогашниот селектор на женската репрезентација на Македонија работеше во Голден Арт, Вардар Неготино, Металург РА, Кометал ЃП и во уште неколку екипи.
На интернационално ниво ги водеше и селекциите на Сирија, Саудиска Арабија и Либан, а најголемиот успех го постигна со Македонија освојувајќи го осмото место на ЕП 2008.
ПОВРЗАНИ ВЕСТИ
