Mакедонија загуби и од Португалија, следува разигрување за пласман

Женската репрезентација во ракомет на плажа, со три порази ја заврши групната фаза на Европското првенство во Португалија.

По Украина и Холандија, избраничките на Златко Мојсоски загубија со 2-0 во третиот меч од домаќинот Португалија.

Првиот сет Португалките го добија со 20-12, додека во вториот Македонија беше конкурентна, 17-14, но тоа не беше доволно за трет решавачки сет.

Ива Божиновска со десет поени беше најефикасна во нашиот состав, Бојана Диневска имаше осум, додека Теодора Маркоска постигна четири.

Утре и задутре следуваат натпреварите за пласман од 9 до 16 место, а следни ривали на Македонија се Италија, Романија и Грција.