Европска ракометна федерација го објави идеалниот тим на сезоната 2025/26 во женска конкуренција.
По завршувањето на клупската сезона, европскиот шампион Мец доминира во изборот со дури четири претставнички, додека финалистот Ѓер има три ракометарки во идеалната постава. Една позиција и припадна на ракометарка на Есбјерг.
Изборот е направен врз основа на гласовите на навивачите, ракометарките, тренерите и медиумите, при што секоја група учествува со по 25% во конечниот резултат.
⭐ Идеален тим на сезоната 2025/26:
Голман: Јохана Бундсен (Шведска / Мец)
Лево крило: Клое Валентини (Франција / Мец)
Лев бек: Бруна де Паула (Бразил / Ѓер)
Среден бек: Хени Реистад (Норвешка / Есбјерг)
Десен бек: Диона Хаусхер (Холандија / Ѓер)
Десно крило: Луси Грание (Франција / Мец)
Пивот: Сара Буктит (Франција / Мец)
Најдобар дефанзивец: Кели Дулфер (Холандија / Ѓер)
Од осумте избрани ракометарки ќе биде прогласена и најкорисната ракометарка (МВП) на сезоната 2025/26.
ЕХФ ќе ги објави добитничките на наградите за МВП и најдобра млада ракометарка на 26 јуни, за време на ждрепката за групната фаза на Лигата на шампионите за сезоната 2026/27.
Доминирањето на Мец и Ѓер во идеалниот тим е уште една потврда за нивните извонредни сезони на европската сцена, додека изборот на Реистад покажува дека норвешката ѕвезда и понатаму е меѓу најдобрите ракометарки во светот.
