Тимот на Барселона ја продолжи победничката серија во Лигата на шампионите, откако славеше на домашен терен против ГОГ Гудме со 38-30.
По Монпелје, Магдебург и Порто, избраниците на Антонио Ортега лесно се справија и со данскиот првак.
Победникот беше решен уште по првиот дел кога каталонскиот гигант успеа да направи предност од девет гола, 20-11. Второто полувреме беше само формалност, иако данскиот тим успеа да намали дел од негативата.
Блескаше Дика Мем со осум погодоци, додека Н’гесан постигна пет, а голманите Де Варгас и Нилсен комбинираа 13 одбрани.
Во гостинскиот состав се истакнаа Арон Менсинг со шест и Емил Мадсен со пет погодоци, додека голманот тулин собра 13 одбрани.
ПОВРЗАНИ ВЕСТИ
