Партизан го пречека Веспрем во Белград, но унгарскиот тим ја потврди фаворитската улога и славеше со 37-26 во третото коло од Лигата на шампионите. Гостите на полувремето водеа со 17-12, а во продолжението ја зголемија разликата и не му дозволија на домаќинот да се врати во натпреварот.

Партизан го отвори вториот дел со гол за 13-17, но Веспрем брзо ја врати контролата. Во 39. минута предноста веќе изнесуваше девет гола (23-14), а во финишот порасна и на дванаесет. Голманот Емил Нилсен беше една од клучните фигури за гостите, до 54. минута имаше 22 одбрани.

Кулеш со шест гола беше најефикасен кај Партизан, додека Јоав Лумброзо, Никола Црноглавац и Милија Паповиќ постигнаа по три. За Веспрем, Иван Мартиновиќ даде шест гола, а Уго Деска, Недим Ремили и Мате Ганч-Пето по пет. Белградскиот тим остана без бодови по три одиграни натпревари.

Пожарен аларм во Кристијанштад
Неочекуван прекин го одбележа дуелот меѓу Кристијанштад и ГОГ. Околу девет минути пред крајот во салата се вклучи пожарниот аларм и играта беше запрена. Во 51. минута, ГОГ водеше со 32-25. По паузата ракометарите се вратија на теренот и мечот продолжи.

Гостите го добија првото полувреме со 17-14. Кристијанштад во вториот дел се доближи на 20-21, но ГОГ повторно се одлепи. Од 25-28 данскиот тим постигна четири гола без одговор и стигна до 25-32 непосредно пред прекинот.

Хјалте Лике, Оли Митун, Емил Тонесен и Лукас Пелас имаа значаен придонес во нападот на ГОГ во дотогашниот тек на мечот. Кај домаќините се истакнаа Еинар Браги Адалстеинсон и Вилијам Хегјелм. Конечниот резултат и целосната листа на стрелци ќе бидат познати по ажурирањето на официјалниот записник.

Криенс-Луцерн подобар од Колстад
Во третиот натпревар, Криенс-Луцерн го совлада Колстад со 34-32 и ги освои првите бодови во групата. Швајцарскиот тим на паузата имаше предност од 19-16, а гостите до крајот ја намалија разликата на два гола.

Жером Милер беше прв стрелец на победникот со десет гола. Микола Билик постигна седум, а Јустин Милер и Марин Шипиќ по шест. Кај Колстад најпрецизен беше Симон Јепсон со осум гола, додека Вемунд Аск и Ерик Јакобсен дадоа по пет.

Натпреварот го судеа македонските арбитри Димитар Митревски и Благојче Тодоровски.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Европската ракометна федерација ги делегираше официјалните лица за натпреварите од 5 коло во женската Лига на шампионите.

Една од двете дерби средби, односно француско-унгарски двобои, ќе помине со македонска арбитража.

Даниело Божиновски и Виктор Начевски, по мечот меѓу Слован и Валур од машката ЛЕ, ќе го судат дуелот меѓу францускиот Брест Бретањ и унгарскиот Ференцварош.

Делегатка на овој натпревар ќе биде Зузана Фулеова од Словачка, а мечот ќе се игра на 10 октомври во „Брест Арена“ од 18:00 часот.

Покрај Брест Бретањ – Ференцварош, во ова коло ќе има уште едно дерби во Лигата на шампионите меѓу Ѓер и Мец.

Четири македонски претставници Вардар, Еурофарм Пелистер, Охрид и Бутел Скопје во следниот период ќе ги одиграат своите европски натпревари во Лигата на шампионите, Лигата на Европа и ЕХФ Купот.

Вардар го очекува двомеч со Висла Плоцк, како и домашен натпревар со Мелсунген и гостински двобој со Нант. Висла Плоцк имаше победничко загревање за гостувањето во Скопје и успеа да слави против Сласк Вроцлав со 43-25. Мирко Алиловиќ се врати во ростерот на Висла и заедно со Миљан Вујовиќ комбинираа десет одбрани, а меѓу стрелците се истакна Михал Дашек со девет, а по шест пати стрелаа Јанц, Сита и Бјере. Висла Плоцк по пет кола има пет победи во Полска.

Германскиот Мелсунген на свој терен беше подобар од Хановер со 28-22, додека Нант беше подобар од Данкерк на гостински терен со 31-24. Во тимот на Парондо, голманот Симиќ имаше 15 одбрани, а по четири гола дадоа Менсинг, Стефансон и Гола. Кај Нант голманот Бонде запиша девет интервенции, Брие даде шест гола, а Тарафета стрелаше пет пати.

Еурофарм Пелистер го чека дуел со Вибжеже Гдањск, кој во победничка атмосфера ќе го чека македонскиот вицепрвак. По високиот триумф кај Гумерсбах, Вибжеже славеше на домашен терен против Пјотрковија со 38-23, a најдобар стрелец беше Томчак со седум гола, додека екс пивотот на Вардар, Патрик Валчак не играше. Тимот од Гдањск по пет кола има три победи и два порази, од кои еден на домашен терен.

Бундеслигашот Гумерсбах по шокот во Лигата на Европа, загуби и на гостински терен кај Кил со 29-26, додека Ла Риоха беше подобра на домашен терен во Асобал лигата од составот на Пуерто Сагунто со 36-32. Во шпанскиот тим голманот Хоан Ледо одново блескаше и запре 19 удари, додека Пресиадо и Оливеира дадоа по шест гола. Кај Гумерсбах голманот Облинг запиша 14 интервенции, додека Шрулоф со шест и Видарсон со пет гола беа најефикасни.

Противникот на Охрид, Спор Тото запиша нова победа во турскиот шампионат. На домашен терен беше подобар од Гиресунспор со 39-23. Билим со осум и Озтурк со шест погодоци беа најдобри во тимот со кој ќе се соочат „гладијаторите“.

Ривалот на Бутел Скопје, хрватската Горица беше подобра од Трогир на домашен терен со 25-23. Чавар, Караула и Грубишиќ одново беа во центарот на вниманието, а голманот Сориќ имаше 15 интервенции, па бутелци веќе знаат од каде ќе доаѓа најголема опасност пред двомечот во ЕХФ Европскиот Куп. Горица заедно со Загреб се единствените екипи без пораз во Хрватска по четири одиграни кола.

▶▶▶  Добивај директно РАКОМЕТНИ ВЕСТИ на твојот мобилен телефон
Приклучи се на VIBER – https://abit.ly/viber-24rakomet . Со еден клик до сите вести.

Дисциплинската комисија на Ракометната федерација на Македонија донесе одлука по пропустот на Прилеп во финишот на мечот против Струга што се играше во „Ристе Ристески Ричко“ кој заврши 29-29.

Последните седум секунди од натпреварот не беа снимени, па овој пропуст ќе ги чини домаќините 100.000 денари, откако пропустот беше наведен и во службениот записник по мечот.

Прилепчани се казнети по основ на Член 21 од пропозициите за Супер машката лига за сезоната 2025/26 кој предвидува:

„Во случај домаќинот стручно и квалитетно не го сними натпреварот, (на натпреварот имало спорни ситуации-прекини кои не се снимени), домаќинот ќе биде казнет со парична казна од 100.000,00 денари.“

Истиот член предвидува покренување дисциплинска постапка за утврдување на одговорност.

Обврската за снимање ги опфаќа сите случувања на теренот, од загревањето, преку полувремето и тајм-аутите, до моментот кога играчите и службените лица ќе го напуштат теренот.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Во центарот на вниманието денеска ќе биде мечот меѓу Вардар и Висла Плоцк во СЦ „Јане Сандански“ од 20:45 часот.

Ова е дуел на кој со победа Вардар ќе ги продолжи надежите за место во ТОП 12 во Лигата на шампионите, а пораз практично ќе значи преселба во Лигата на Европа и место во елиминациите.

Вардарци против Висла Плоцк имаат одиграно шест средби на кои досега запишаа три победи, две реми среби и еден пораз.

Полскиот вицепрвак играше драматични натпревари и загуби кај Нант, а дома го победи Мелсунген. Во составот на Чави Сабате се прекалени борци како Дашек, Крајевски, Сита, Реј Моралес, Шушња…но и Косоротов, Илиќ, Ричардсон, Давиџик, Михиќ…а голманскиот пар го сочинуваат Алиловиќ и Вујовиќ.

Покрај дуелот меѓу Вардар и Висла Плоцк, во Лигата на шампионите се играат уште пет средби во Берлин, Загреб, Барселона, Касел и Архус.

На домашна сцена, стартува 5 коло во Првата лига, а во првиот натпревар екипата на Пролет ќе го пречека Илинден.

ДЕНЕСКА НА ТЕРЕНИТЕ: 

18:45 ФУКСЕ БЕРЛИН – ПОРТО (ЛИГА НА ШАМПИОНИ)
18:45 ЗАГРЕБ – АЛБОРГ (ЛИГА НА ШАМПИОНИ)
19:00 ПРОЛЕТ – ИЛИНДЕН (МАКЕДОНИЈА)
20:45 БАРСЕЛОНА – ДИНАМО БУКУРЕШТ (ЛИГА НА ШАМПИОНИ)
20:45 СКАНДЕРБОРГ АРХУС – МОНПЕЛЈЕ (ЛИГА НА ШАМПИОНИ)
20:45 МЕЛСУНГЕН – НАНТ (ЛИГА НА ШАМПИОНИ)
20:45 ВАРДАР – ВИСЛА ПЛОЦК (ЛИГА НА ШАМПИОНИ)