Според „Handball Basse“, францускиот репрезентативец Дика Мем потпиша за Фуксе Берлин и ќе му се придружи на германскиот првак во 2027 година.
По истекот на договорот со каталонскиот гигант, Мем ќе комплетира една деценија во „Блауграна“ и ќе има нов предизвик.
Покрај Мем, „Handball Basse“ тврди дека и Симон Питлик од Фленсбург ќе се пресели во 2027 година во Берлин, а можеби и порано во 2026 ако двете страни се договорат околу оштета.
Ова значи дека Фуксе Берлин ќе ја има една од најмоќните бековски линии во поновата историја со Питлик, Гидсел и Мем.
