Во септември ќе се одржи 21-то издание на турнирот, кој традиционално започнува на 1 септември во 20:00 часот на игралиштето „Сокол“. Видеолотарија Касинос Австрија и годинава е верен партнер на Меморијалниот турнир во мал фудбал „Оливер Соколов – Сокол“. Со унапредувањето на досегашната соработка, компанијата од оваа година се јавува како насловен спонзор, со што турнирот официјално го носи престижното име Сокол–ВЛТ.
„Изразуваме огромна благодарност до Видеолотарија Касинос Австрија за довербата, континуитетот и силната поддршка што овозможува турнирот да расте и инспирира,“ истакнуваат организаторите.
Ова партнерство е дел од стратегијата на Видеолотарија Касинос Австрија како општествено одговорна компанија која активно го поттикнува и негува развојот на спортскиот дух кај младите.
