Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 16. коло од плеј-оф фазата во единствената женска сениорска конкуренција во Македонија.
Во изборот за ѕвезда на 16. коло од плеј-оф фазата има по една ракометарка од Ѓорче Петров, Металург Автокоманда и Куманово.
За ѕвезда на колото може да гласате до четврток до 12:00 часот.
Женска лига, плеј-оф, 16. коло, резултати:
Куманово – Вардар 27-26 (ИЗВЕШТАЈ)
Чаир – Ѓорче Петров 28-37 (ИЗВЕШТАЈ)
Металург Автокоманда – Астибо 44-24 (ИЗВЕШТАЈ)
ТРИ ЅВЕЗДИ НА 16. КОЛО ОД ПЛЕЈ-ОФОТ ВО ЖЕНСКАТА ЛИГА
Петра Јершек (Ѓорче Петров) – Средниот бек на шампионот постигна шест гола на гостувањето кај Чаир, а најголем дел од нив во моментите кога се кршеше резултатот.
Марија Петреска (Куманово) – Покрај стандардно добрата игра во одбрана, стружанката беше стрелец на два гола против Вардар, од кои еден беше победнички.
Таида Беровиќ (Металург Автокоманда) – Младата ракометарка успеа осум пати да ја погоди мрежата на штипјанки.