Македонскиот стратег Раде Стојановиќ на крајот на оваа сезона ќе си замине од словенечкиот Тримо Требње.
Селекторот на младинците на Македонија ќе го напушти кормилото на Тримо, кој е во трка за титулата во Словенија.
„Благодарен сум за оваа можност и за соработката. Горд сум на прогресот на тимот и на силните врски што ги изградивме преку работата, посветеноста и заедничките цели. Секоја приказна има свој крај. До последниот свиреж, нашиот фокус останува – заедно до титула“, вели Стојановиќ.
Македонецот ја започна тренерската кариера во Металург 2, беше дел од Охрид, Катар Спорт, а го водеше и Тиквеш пред да се пресели во Словенија.
