Левото крило Марко Срдановиќ на крајот на оваа сезона заминува од Вардар и ќе биде дел од српскиот првак Војводина, пишува „Моцарт Спорт“.
Иако имаше договор до 2026 година со „црвено-црниот“ тим, како што пишува српскиот медиум, сите детали се договорени и Срдановиќ ќе се врати во татковината.
Таму ќе биде замена за египетскиот репрезентативец Ахмед Сеса, кој се сели во бундеслигашот Вецлар кај Момир Илиќ.
Срдановиќ дојде пред две години во Вардар и остави одличен впечаток, но сега реши да ја прифати понудата од Нови Сад.
Војводина претходно го договори и десното крило од Татабања, Југа Енамото, а беше продолжен договорот со Жоао Педро Да Силва.
Од Вардар покрај Срдановиќ, ќе замине и Хансер Родригез, а активен договор на левата крилна позиција има само младинскиот репрезентативец Марио Стојановски.
