Некогашниот репрезентативец на Македонија, Далибор Лукиќ, во продолжение од сезоната ќе биде дел од стручниот штаб на прволигашот Младост Богданци.
Поранешниот десен бек, кој потекнува од Тутунски Комбинат Бренд, а играше за Металург и Младост Богданци, последните играчки активности ги имаше во сезоната 2020/21 кога одигра неколку меча за тимот од Богданци.
Лукиќ сега е дел од стручниот штаб на Митко Стоилов и Никола Роглев и ќе се обиде своето искуство да им го пренесе на многуте млади ракометари во тимот на Младост. Tој веќе седеше на клупата на дуелите со Македонија Ѓорче Петров и Партизан Гевгелија.
Младост Богданци е на лидерското место во групата Б од Првата лига, со потврдено место во плеј-офот, а до крајот на регуларниот дел од сезоната има да одигра уште шест натпревари.
