Репрезентацијата на Унгарија, која е еден од ривалите на Македонија на Европското првенство, на контролен натпревар славеше над Словачка со 38:31.
Унгарките до победата дојдоа со подобрата игра во второто полувреме,а на пауза имаа минимална предност од еден разлика, 20:19.
Чешка на контролката против Ангола одигра само реми, 31:31, иако африканската земја имаше позитива од плус два на пауза, 15:17.
На победа во пријателските натпревари се радуваше и Швајцарија, славеше над Исланд со 30:29. Овие две репрезентации, исто така ќе бидат учесници на Европското првенство, а Швајцарија е еден од ко-организаторите.
Избраничките на Кристијан Грчевски утре против Србија ќе го одиграат последниот контролен натпревар пред ЕП.
ПОВРЗАНИ ВЕСТИ
