Најдобрите македонски судии Славе Николов и Ѓорѓи Начевски ќе бидат дел од Светското првенство 2025 година во Данска, Норвешка и Хрватска.

Светската ракометна федерација ги објави официјалните лица за Мундијалот, а меѓу нив се најде и македонската двојка.

Николов и Начевски зад себе имаат одработено многу големи натпреварувања  – ЕП, СП и ОИ, а судеа на финалиња на сите.

Номинацијата на СП 2025 е уште еден доказ за нивниот квалитет, а покрај Николов и Начевски, на Мундијалот ќе судат уште 23 двојки од целиот свет.

Освен Николов и Начевски, Македонија ќе биде претставена од ракометарите кои ќе играат во групата во Вараждин со селекциите на Унгарија, Холандија и Гвинеја.

Селекторот на женската репрезентација на Словенија, Драган Аџиќ, го објави скратениот список на ракометарки за Европското првенство во Унгарија, Австрија и Швајцарија.

Аџиќ ќе смета на 20 ракометарки, од кои најголем дел беа во акциите во ЕХФ неделите во септември и октомври.

Ова ќе биде прво големо натпреварување за Словенија, откако кариерата по ОИ ја заврши Барбара Лазовиќ, а на репрезентативните кариери крај им ставија и Ана Грос, Амра Панџиќ и Тамара Мавсар.

Словенечкиот селектор нема да смета ниту на Елизабет Омореги, која се опоравува од повреда, а на списокот ги нема ниту Валентина Клеменчиќ и Нина Зулиќ.

Словенија е во група со Словачка, Австрија и Норвешка, а натпреварите од ЕП 2024 ќе ги игра во Инсбрук.

Селекторот на женската сениорска репрезентација на Полска, Арне Сенстад, го објави списокот на ракометарки за Европското првенство во Унгарија, Швајцарија и Австрија.

Полскиот селектор за континенталниот собир ќе смета на 18 ракометарки, меѓу нив се и искусните –  Моника Кобилинска, Адријана Горна и Александра Росијак.

Полска на Европското првенство во групната фаза ќе игра против репрезентациите на Франција, Шпанија и Португалија.

Сенстад ќе треба да направи добра тактика, особено за натпреварите против Шпанија и Португалија, бидејќи Франција е голем фаворит во групата Ц.

Избраничките на Сенстад токму против Франција ќе го одиграат првиот натпревар на континенталниот собир.

По двете пријателски средби со Австрија, како и настапот на „Трофеј Карпати“ во Романија, женската репрезентација на Македонија ќе има уште две проверки пред настапот на Европското првенство во Австрија, Швајцарија и Унгарија.

Дамите ќе бидат дел од силниот „Кроација Куп“, што ќе се одржи во Хрватска од 22 до 24 ноември во градот Пореч.

Покрај Македонија и домаќинот Хрватска, на овој турнир ќе настапи и селекцијата на Србија, па ќе имаме балкански проверки пред континенталниот собир.

Домаќинот ги одреди термините за трите средби. На 22 ноември од 16:00 ќе играат Хрватска и Македонија, на 23 ноември во истото време на програмата е мечот на Македонија и Србија, додека Хрватките и Србинките ќе играат на 24 ноември во 16:00 часот.

Македонија е во група со Унгарија, Шведска и Турција, а првиот натпревар на ЕП, избраничките на Кристијан Грчевски го играат против Шведска на 28 ноември.

Maшката репрезентација на Македонија загуби во второто коло од квалификациите за ЕП 2026 кај Литванија со 29-27.

Мала утеха за неочекуваниот пораз е тоа што еден од погодоците се најде во изборот на ТОП 5 голови на колото од евро-квалификациите.

Голот е дело на кружниот напаѓач Жарко Пешевски, кој го постигна со вртенка кон средината на второто полувреме од мечот во Виљнус.

Македонија претходно го доби домашниот натпревар против Естонија со многу мака, но и покрај поразот од Литванија останува со големи шанси да се пласира на ново ЕП.

Покрај голот на Пешевски, место во ТОП 5 голови на колото имаше и за Варик од Естонија, Митал од Словачка, Божовиќ од Австрија и Мин од Франција.

Погледнете…

 

View this post on Instagram

 

A post shared by EHF EURO (@ehfeuro)