Екипата на Куманово ќе ја наполни клупската каса бидејќи договори продажба на својот најдобар играч, Бразилецот Чаио Винициус Де Соуза Мораис кој после Нова Година заминува од клубот. Бекот на Куманово е „прв бомбардер“ и речиси секогаш има двоцифрен број голови зад своето име.

Сакајќи да има поконкурентен тим Куманово ја прифати понудата на Охрид и Винициус се сели покрај езерото. Двата клуба неодамна имаа средба и го договорија трансферот. Охрид ќе добие врвен голгетер, а Куманово ќе донесе неколку други ракометари со кои треба да биде конкурентен во борбата за опстанок.

И лани Куманово имаше слична ситуација, беа без бодови во регуларниот дел од сезоната, а потоа купија дузина играчи, најмногу интернационалци и со „стил“ обезбедија опстанок во елитата. И сега е слично. Тие се на долниот дел од табелата во машката Супер лига.

Кумановци се борат за опстанок и во пролетниот дел би требало повторно да имаат тим со кој ќе може да опстанат. Останува да се одиграат уште 11 кола од регуларниот дел по што првите шест екипи ќе разигруваат за титулата, а другите за опстанок.

Екипата на Загреб пред своите навивачи успеа да го победи Магдеург, славеше со 22:19, а победничко деби на клупата на најтрофејниот хрватски клуб имаше искусниот стратег Велимир Петковиќ, кој тренерската палка ја презеде од Андрија Николиќ.

Хрватскиот шампион со овие два бода се врати во игра за 6. позиција на табелата, односно за пласман во осминафиналето во европската елита. Тимот предводен од Петковиќ во следното 9. коло ќе биде домаќин на францускиот Нант, кој утре игра против Барселона.

Загреб на крилата на голманот Мандиќ имаше фуриозен налет против екс освојувачот на Лигата на шампионите и во воведните десет минути имаше предност од плус пет, 6:1. Бундеслигашот одвреме – навреме доаѓаше до реализација и за дваесетина минути игра имаше постигнато само четири гола.

Домаќинот имаше беспрекорен напад и цврста одбрана, знаеше како да дојде до реализација, многу лесно ја пробиваше одбраната на гостите и во 15 минута дојде до предност од 8:4. Предноста на Загреб во 20 минута беше 10:4, а пет минути подоцна тимот на Петковиќ имаше 11:6. По 30 минута игра резултатот беше во корист 13:7 за домашниот табор. Голманот на Загреб, Матеј Мандиќ, првото полувреме го заврши со неверојатни 14 интервенции од 20 удари, поголемиот дел од нив беа од дуел еден со еден.

Магдебург на стартот на вториот дел се закани намалувајќи на 13:11 и во тој момент беше јасно дека домаќините ќе мора да се консолидираат за да ја задржат предноста. Следуваше период, во кој домаќинот врза два гола во низа, двата беа дело на Главаш, и во 42 минута предноста на Загреб беше плус три, 15:11. До крајот на натпреварот гостите се обидуваа да направат камбек и да се изборат за барем бод, но домашниот тим не дозволи драма.

Најефикасен во победничката екипа беше Лука Ловре Кларица со седум гола, голманот Мандиќ беше фантастичен меѓу стативите и натпреварот го заврши со 20 интервенции.

Алборг и Колстад одиграа интересен натпревар, а на победа се радуваа домаќините, триумфираа со два гола разлика, 30:28. Двете екипи имаа свои моменти, на полувреме беше 14:13 за гостите, a данскиот шампион победата ја обезбеди со поголемата фокусираност во клучните моменти.

Најефикасен во редовите на победничката екипа беше Јул Бустер со седум гола, кај Колстад се истакна Магнус Сондена со гол повеќе – 8

До почетокот на Европското првенство 2024, кое ќе се одржи во Унгарија, Швајцарија и Австрија, преостануваат уште седум дена.

Во Дебрецин ќе патуваат 19 ракометарки, а селекторот Кристијан Грчевски нема да може да смета на повредените, искусниот кружен напаѓач Ивана Гакидова и универзалниот бек Борјана Коцева.

На 28 ноември ќе започне 16. издание на Европското првенство во женска конкуренција, на кое еден од 24-те учесници ќе биде и репрезентацијата на Македонија.

Своето учество на Европското првенство, Македонија го обезбеди преку квалификацискиот циклус, освојувајќи го 2 место во група со Шпанија, Азербејџан и Литванија.

Состав на Македонија:
Матеа Чурлиновска, Драгана Петковска, Јована Мицевска, Сара Ристовска, Ивана Арсениевска, Ивана Џатевска, Симона Маџовска, Бојана Диневска, Јована Саздовска, Ива Младеновска, Ана Марија Коларовска, Јована Кипријановска, Андреа Седлоска, Елена Ѓорѓиевска, Сара Стефаноска, Теодора Дукоска, Марија Јанкуловска, Катерина Дамјановска и Нена Нестороска.

Македонија на Европското првенство ќе игра во група со еден од домаќините, репрезентацијата на Унгарија, потоа со еден од фаворитите за висок пласман – Шведска и со незгодната Турција.

Првиот натпревар Македонија ќе го одигра на 28 ноември против Шведска, два дена подоцна, односно на 30 ноември, избраничките на Грчевски ќе ги одмерат силите со Турција, додека последниот натпревар од групната фаза ќе го имаат со Унгарија на 2 декември.

Марко Срдановиќ со пенал во последната секунда му донесе бод на Вардар на гостувањето на Исланд, играјќи 34-34 против Валург. Можеа „црвено-црните“ и да победат, но и да загубат, а пеналот беше досуден во последните секунди поради намерно играње со нога и задржување време на Јонасон.

Со овој бод, Вардар остана на третото место на табелата, со три бода, но сега веќе нема ни математички шанси дека би можел некако да стигне до втората фаза. за тоа му требаше триумф.
Вардар беше без неколку клучни играчи Вардар. Поради повреди во Скопје останаа голманот Еспиња, пивотменот Лазаревски, бекот Борозан, а имаа и долго патување во Рејкјавик поради лошите авионски лини. Во Исланд незгодно гостување имаше и Порто кој загуби бод, играјќи 27-27.

На Вардар му требаа 40 минути за да поведе првпат на средбата со Валур, кога Марко Срдановиќ погоди за водство 24-23. Можеше Вардар да ја држи таа предност, но при резултат 24-24, Родригез утна контра, а во следниот напад Валур повторно поведе, 25-24. И кратко траеше надежта на Вардар бидејќи она што „црвено-црните“ не успеваа да го реализираат Валур знаеше да го искористи, па во 48 минута водеа со 29-26. Намали Вардар на 27-28, но по голот на Танкоски, тој беше исклучен 2 минути, па повторно разликата беше „плус 2“ за Валур.

Последните девет минути Валург влезе со предност, но после одлична одбрана на Вардар и на Гогов, и тоа со играч помалку, „црвено-црните“ добија шанса, и Коиј израмнува на 30-30 во 53 минута. И пак , со неискористување на шансите, на спротивната страна Валург реализира за „плус 2“ и ново водство, 32-30.

Ако Валур мислеше дека е готово, така не мислеа ракометарите на Вардар, па брзо вратија и израмнија на 32-32, во 57 минута. Добрата серија на Вардар прородлжи, и Јагуриновски на контра по вторпат поведе, со 33-32, по што Валур мораше да бара тајмаут. До крај на средбата остануваа нецели 3 минути.

Брзо реализираше Валург, а во следниот напад голманот Густафосн со својата 15 одбрана му фати топка од крило на Срдановиќ. Откако Густафсон беше исклучен, Валург играше без голман, и погоди за израмнување, 33-33.
Гогов брани тешка и важна топка, со играч помалку по исклучувањето на Мело. и на 80 секунди до крај имаа напад за ново водство. Но, под пасивна игра Јагурновски шутна покрај гол.

На крај Вардар имаше десетина секунди да огранизира напад, но играчите на Валург реагираа неспортски, па судиите покажаа на пенал и директен црвен картон на Јонасон.

Гоце Георгиевски, Мрако Сдрановиќ и Ашраф Маргели постигнаа по 5 гола, а Горига и Петриќ по четири за Вардар. Во тимот на Валург, најпрецизен беше Пордарсн со 11 гола, а Магнусен даде 7.

Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.

Читателите ќе имаат можност да ја изберат ракометарката што најмногу покажала во колото што е завршено, и да биде избрана за „Ѕвезда на колото“.

На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.

Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.

Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 10-то коло во единствената женска сениорска конкуренција во Македонија.

Во изборот за ѕвезда на 10. коло има по една ракометарка од Ѓорче Петров, Металург Автокоманда и Чаир.

За ѕвезда на колото може да гласате до петок до 12:00 часот.

Женска лига, 10. коло, резултати:

Група А
Ѓорче Петров 2 – Стружанка 31:18 (ИЗВЕШТАЈ)
Чаир – Астибо 30:27 (ИЗВЕШТАЈ)

Група Б
Пелистер – Металург Автокоманда 16:30 (ИЗВЕШТАЈ)
Куманово – Гевгелија 10:0
Овче Поле СУ слоб.

Група В
Спартак – Ѓорче Петров 10:49 (ИЗВЕШТАЈ)
Шампион – Вардар 19:37 (ИЗВЕШТАЈ)
Деспина слоб.

СПОРЕД ВАС КОЈА Е НАЈКОРИСНА РАКОМЕТАРКА НА 10. КОЛО ОД ЖЕНСКАТА ЛИГА?

Рона Мифтари - Чаир

57.35%

Емилијана Ризоска - Ѓорче Петров

25.00%

Јана Ѓошевска - Металург Автокоманда

17.65%

ТРИ ЅВЕЗДИ НА 10. КОЛО

Емилијана Ризоска (Ѓорче Петров) – Репрезентативката како на тренинг постигнуваше голови на дуелот против Спартак, броеше до 11.

Рона Мифати (Чаир) – Големата надеж на Чаир имаше одлична партија против Астибо, натпреварот го заврши со 12 гола.

Јана Ѓошевска (Металург Автокоманда) – Беше меѓу најдобрите против Пелистер, зад своето име имаше осум успешни реализации.